काठमाडौं – थापाथलीस्थित सुकुम्बासी बस्तीमा प्रहरीले हतियारसहित एक जनालाई नियन्त्रणमा लिएको छ।
शनिबार दिउँसो करिब २ बजे काठमाडौं महानगरपालिका–११, थापाथलीको वस्तीभित्र बरूण पोखरेलको घरमा प्रहरीले खानतलासी गर्दा पेस्तोल, फलामको दाव र तरबार बरामद गरेको हो।
घरभित्र लुकाइएका हतियार बरामद भएपछि प्रहरीले पोखरेललाई पनि अभद्र व्यवहार गरेको आरोपमा पक्राउ गरी काठमाडौं प्रहरी परिसरको हिरासतमा राखेको जनाएको छ।
